ممبئی(نیوز ڈیسک) بالی ووڈ میں فلم دھوم 4 میں ولن کے کردار کے لیے رنویر سنگھ اور رنبیر کپور کے درمیان سخت مقابلہ جاری ہے۔بھارتی میڈیا رپورٹس کے مطابق دھوم 4 میں ولن کے کردار کے لئے پہلے ہریتھک روشن کو پیشکش کی گئی تھی جو کہ اس سے قبل دھوم 2 میں بھی ولن کا کردار ادا کرچکے ہیں تاہم فلم کے ڈائریکٹر وجے کرشنا اچاریہ نے ان خبروں کی تردید کرتے ہوئے کہا ہے کہ دھوم سیریز کی ہر فلم میں ولن کا کردار انتہائی اہم ہوتا ہے اوراس سیریز کی کسی فلم میں کسی اداکار نے دو مرتبہ ولن کا کردارادا نہیں کیا،اس لئے چوتھی فلم میں ولن کے لئے رنبیر کپوریا رنویرسنگھ میں سے کسی ایک کا انتخاب کیا جائے گا۔واضح رہے کہ دھوم سیریز کی اب تک 3 فلمیں ریلیز ہوچکی ہیں جن میں دھوم 3 نے بالی ووڈ کی تاریخ میں 500 کروڑ سے زائد کا بزنس کرنے والی پہلی فلم کا اعزاز حاصل کیا تھا۔