ممبئی (نیوز ڈیسک)بولی وڈ اداکارہ سونم کپور نے ایک فلائٹ اٹینڈنٹ کی حقیقی زندگی پر بنائی جانے والی فلم کی شوٹنگ شروع کر دی۔یہ فلم نیرجا بھانوٹ نامی خاتون کی زندگی پر بنائی جارہی ہے جو 1986 میں انڈیا کے ایک ہائی جیک جہاز میں مسافروں کی جان بچانے کی کوشش کرتے ہوئے دہشت گردوں کی فائرنگ سے ہلاک ہوگئی تھی۔اس حادثے کے بعد نیرجا کو بین الاقوامی سطح پر ّدی ہیروئن آف دی ہائی جیک کا خطاب ملا تھا۔فلم میں سونم کپور کے ساتھ شبانہ اعظمی بھی اداکاری کریں گی جو نیرجا کی والدہ کا کردار ادا کر رہی ہیں۔حال ہی میں سونم کپور نے سماجی رابطہ کی ویب سائٹ ٹوئٹر پر اپنی فلم کی ایک جھلک شئیر کی ہے۔