لاہور(نیوز ڈیسک) فلم سٹار جان ریمبو نے کہا ہے کہ میں فلم انڈسٹری سے آﺅٹ نہیں ہوا’ جب بھی میری پسند کی کوئی فلم بنے گی تو ضرور کام کروں گا’ ہر وقت فلم انڈسٹری کی بہتری کیلئے دعا گو رہتا ہوں۔ اپنے ایک انٹرویو کے دوران جان ریمبو نے کہا کہ میں آج کل زیادہ وقت ٹی وی ڈراموں کو دے رہا ہوں اور کبھی بھی فلم انڈسٹری سے آﺅٹ نہیں ہو سکتا جیسے ہی مجھے کوئی اچھی فلم جو میری سوچ کے مطابق ہوئی ملی تو یقینا میں کام کروں گا اور مجھے اس بات کی بھی خوشی ہے کہ شائقین آج بھی مجھے پسند کرتے ہیں جس کی بنیادی وجہ میرے کام کا معیاری ہونا ہے۔