ممبئی(نیوز ڈیسک) جیکولین فرنینڈس نے لندن میں ہونے والی شادی کی ایک اعلیٰ تقریب میں رقص کرنے کے لئے 4 کروڑ روپے کی پیشکش قبول کر لی ہے۔لندن کے تاجر نے مئی کے آخر میں اپنے بیٹے کی شادی کی تقریب کا پروگرام بنایا ہے اور اس نے اس موقع پر پرفارمنس کے لئے کچھ اداکاروں سے رابطہ بھی کیا ہے جس پر جیکولین نے ان سے اپنی آنیوالی فلموں کے گانوں کے علاوہ کچھ مشہور گانوں پر بھی لائیو پرفارمنس دکھانے پر آمادگی ظاہر کر دی ہے۔
جیکولن فرنینڈس 2 روز تک لندن میں قیام کریں گی جس دوران ان کے آنے جانے اور وہاں رہائش کا انتظام شادی والا گھرانہ برداست کرے گا۔ جیکولن کے ترجمان نے شادی تقریب میں پرفارمنس کی تصدیق کرتے ہوئے کہا ہے کہ جیکولین فرنینڈس نے چار کروڑ کے عوض شادی میں پرفارم کرنے کی حامی بھر لی ہے اور اس کے لئے اپنی فلموں کی شوٹنگ کا شیڈول تبدیل کر دیا ہے۔