ممبئی(نیوز ڈیسک)بلاک بسٹر فلم دبنگ سے بالی ووڈ میں دبنگ انٹری دینے والی اداکارہ سونا کشی سنہا کا کہنا ہے کہ اداکارہ بننے میں ان کا کوئی کمال نہیں۔ یہ صرف اور صرف سلمان خان کا کمال ہے۔ اپنے ایک تازہ انٹرویو میں سونا کشی نے بتایا کہ انہوں نے فیشن ڈیزائننگ پڑھی اور فیشن ڈیزائنر ہی بننے والی تھیں کہ سلمان خان نے انہیں کہا کہ یہ سب چھوڑو اور اداکاری کی طرف آﺅ۔سونا کشی نے بتایا وہ خاصی موٹی تھیں۔ اس لئے اداکارہ بننے کا سوچتی بھی نہیں تھیں لیکن سلمان خان نے ہی ان کی حوصلہ افزائی کی کہ وزن کم کرنے’ فٹ اور سلم ہونے میں بھی سلمان خان نے راغب کیا اور پھر انہیں دبنگ کی آفر آئی تو یہ ایسی آفر تھی جسے رد کرنا ممکن نہ تھا اور وہ اس میدان میں آہی گئیں۔ سونا کشی نے کہا کہ وہ آج اداکارہ ہیں تو یہ سب کچھ صرف اور صرف سلمان خان کی وجہ سے ممکن ہو پایا ہے جس پر وہ سلمان خان کی شکرگزار ہیں۔