ممبئی (نیوز ڈیسک)نئی کاسٹ پر مبنی بالی ووڈ کی نئی رومانوی فلم ”عشق کے پرندے ”آج سینما گھروں میں ریلیز کی جائے گی ، فلم کی عکسبندی تاریخی شہر لکھنو میں کی گئی ہے۔
فلمساز شاکر خان کی ہدایت کاری میں بننے والی فلم کی کہانی دو پیار کرنے والوں کو پیش آنے والی مشکلات پر مبنی ہے۔ فلم میں پاک بھارت سرحد عشق کرنے والوں کے درمیان حائل ہو جاتی ہے تاہم جیت عشق کی ہی ہوتی ہے۔ رومانوی فلم میں نئے چہرے رشی ورما اور پریانکا مہتہ مرکزی کردار میں جلوہ گر ہیں جبکہ موسیقی وجئے ورما اور ساجد علی نے دی ہے۔