ممبئی(نیوز ڈیسک)سینئر بھارتی اداکارہ شبانہ اعظمی نے کہا ہے کہ بالی وڈ فلموں میں آئٹم سانگ کہانی کے مطابق ہونا چاہئے۔ ممبئی میں ایک کتاب کی تقریب رونمائی میں میڈیا سے با ت کرتے ہوئے شبانہ نے کہا کہ آجکل ہر فلم میں آئٹم سانگ ڈال دیے جاتے ہیں جس کی وجہ سے فلم کی اصل کہانی ہی مسخ ہو کر رہ جاتی ہے۔ شبانہ کا کہنا تھا کہ فلم اومکارہ میں آئٹم سانگ بیڑی جلائی لے ایک انتہائی شاندار گانا تھا جو نہ صرف فلم کی سچویشن کے مطابق تھا بلکہ اس میں بپاشا باسو کی پرفارمنس بھی انتہائی جاندار تھی۔