ممبئی(نیوز ڈیسک) بالی ووڈ آئٹم گرل راکھی ساونت نے کہا ہے کہ وہ ودیا بالن سے کئی زیادہ بہتر اولالا کرسکتی ہیں۔ صحافیوں سے اپنی آنیوالی فلم ڈرٹی پکچر کے بنگالی ریمیک کے حوالے سے بات چیت کرتے ہوئے راکھی نے کہا کہ ان کی ریمیک ڈرٹی پکچر حقیقی فلم سے دوگنی مقبولیت حاصل کریگی۔ انہوں نے کہا کہ یہ فلم ایک آئٹم گرل پر بنی ہے اور وہ اس چیز کا صحیح فائدہ اٹھاتے ہوئے خود کو زبردست آئٹم گرل منوائیں گی۔ انہوں نے کہا کہ وہ ودیا بالن کے ڈرٹی پکچر میں کردار کو بے حد سراہتی ہیں تاہم اب ان کی باری ہے اور وہ سمجھتی ہیں کہ وہ ودیا سے کئی زیادہ بہتر اولالا گرل کا کردار ادا کرسکتی ہیں۔ یوا ین پی کے مطابق انہوں نے کہا کہ اس سے پہلے انہیں فلموں میں ہمیشہ مختصر کردار ملے ہیں تاہم اس بار انہیں فلم میں پورا کردار ادا کرنے کا موقع مل رہا ہے اور اس کو وہ اپنی خوش قسمتی سمجھتی ہیں۔