ممبئی(نیوز ڈیسک ) بالی ووڈ کی آنے والی ہندی فلم کے عملہ کے 8 افراد نیپال میں قیامت خیز زلزلے میں ہلاک ہو گئے۔ ارسلان ممتاز اور موگر گوڈسی کی فلم کی شوٹنگ نیپال میں جاری تھی ارسلان ممتاز جو کہ ڈیڑھ ہفتہ قبل ہی دوسری فلم کے لیے آئے تھے ان کا کہنا ہے کہ میں یوفرا جو کہ زلزلے کا مرکز تھا میں اس فلم  کی شوٹنگ کر رہا تھا انہوں نے کہا کہ مجھے یہ سن کر شدید دھچکا لگا ہے کہ فلم کے عملے کے 8 افراد اس زلزلے میں ہلاک ہو گئے ہیں جن میں دو ڈرائیور بھی شامل ہیں۔ انہوں نے کہا کہ میں اپنی خوش قسمتی سمجھوں یا بدقسمتی کہ میں اس فلم کی شوٹنگ چھوڑ کر ممبئی آیا تھا اور میرے پیارے ساتھی اس ناگہانی آفت کی نذر ہوئے جبکہ میں بچ گیا۔