لاہور(نیوز ڈیسک) اداکارہ صاحبہ نے کہا ہے کہ شادی کے بعد بھی محبت قائم رہے تو محبت کی شادی کبھی ناکام نہیں ہوتی’ مشکل وقت میں ساتھ دینے والوں کو کبھی نہیں بھولتی اور جھوٹ بولنے والوں سے سخت نفرت ہے،شادی کے بعد کامیاب زندگی گزار رہی ہوں اب فلموں اور ڈراموں میں کام کرنے کی خواہش نہیں۔نجی ٹی وی سے بات کرتے ہوئے اداکارہ صاحبہ نے کہا کہ اس میں کوئی شک نہیں کہ محبت میں ہونیوالی کئی شادیاں ناکام ہو جاتی ہیں اور میں سمجھتی ہوں کہ اس کی بنیادی وجہ محبت میں کمی ہوتی ہے اور اگر سچی محبت کی جائے تو کبھی ناکامی نہیں ہوتی۔ انہوں نے کہا کہ ریمبو انتہائی محبت کرنیوالے شوہر ہیں اور شادی کے بعد ہم دونوں ایک کامیاب زندگی گزار رہے ہیں۔