ممبئی(نیوز ڈیسک) بالی ووڈ کی اسٹار اداکارہ پریانکا چوپڑا نے کہا ہے کہ جس دن انھیں مسٹر رائٹ مل گیا وہ اسی دن شادی کرلیں گی۔ بھارتی فلم انڈسٹری کی انتیس سالہ شوخ و چنچل اداکارہ نے ممبئی میں میڈیا کو ایک تقریب میں بتایا کہ انھیں اپنی زندگی میں مسٹر رایٹ کی تلاش ہے جس دن وہ مل گیا، وہ شادی کرنے میں ایک لمحہ ضائع نہیں کریں گی۔
پریانکا آجکل اپنے بچپن کی دوست تمنا شرما کی شادی کی تیاریوں میں مصروف ہیں۔ پریانکا نے گزشتہ برس باکس آفس پر ڈان ٹو اور اگنی پتھ جیسی سپر ہٹ فلمیں دی ہیں۔