ممبئی(نیوز ڈیسک) بھارتی اداکار سنجے دت کہتے ہیں کہ وہ اسی برس کی عمر میں بھی منا بھائی کا کردار ادا کرنے میں فخر محسوس کریں گے۔ بالی ووڈ میں سنجو بابا کے نام سے معروف بھارتی اداکار نے ایک انٹرویو میں بتایا کہ انیس سو تیرانوے میں ریلیز ہونے والی بلاک بسٹر فلم کھل نائیک نے انھیں انڈسٹری کا سب سے کامیاب ولن بنایا تو اس سے چند برس بعد بننے والی فلم منا بھائی ایم بی بی ایس نے انھیں بالی ووڈ کا سب سے کامیاب اداکار بنا دیا۔ سنجے نے کہا کہ منا بھائی سیریز کی فلمیں بالی ووڈ میں ٹرینڈ سیٹر ثابت ہوئیں۔ سنجے کا کہنا تھا کہ منا بھائی جیسا رول کسی اداکار کو زندگی میں ایک بار ہی ملتا ہے۔