واشنگٹن (آن لائن) امریکی صدر ٹرمپ نے نئی خلائی پالیسی ڈائریکٹو کی منظوری دیدی جسکے تحت واشنگٹن 2026 تک چاند کی سطع پر جوہری ری ایکٹر تعمیر کریگا ۔ غیر ملکی خبر رساں ادارے کے مطابق صدر ٹرمپ نے نئی خلائی پالیسی ڈائریکٹو 6 کی منظوری دی ہے ۔
جسکے تحت ملک محکمہ توانائی کی معاونت سے چاند کی سطع پر جوہری ری ایکٹر تعمیر کریگا ۔ جسکا مقصد امریکہ کی چاند کی سطع اور مریخ پر اپنی موجودگی میں اضافہ ہے ۔ امریکی خلائی تحقیقاتی ادارے کے ایڈمنسٹریٹر جم برائنسٹائن کا کہنا ہے کہ ناسا ایجنسی کے آرٹیمس پروگرام میں وائٹ ہاؤس کی مستقل قیادت کی بھر پور حمایت کرتا ہے ، جس میں 2024 میں چاند پر پہلی خاتون اور اگلا آدمی اترنا بھی شامل ہے۔ چاند پر ہم شمسی نظام کی گہرائی میں نئی سائنس اور انسانی مشنوں کی تیاری کریں گے۔ ادھر ، چین نے عالمی برادری کو چاند پر نیوکلیئر پاور پلانٹ لگانے کے امریکی منصوبوں کے خلاف خبردار کیا ہے۔ چین کے سرکاری اخبار نے اپنی رپورٹ میں کہا ہے کہ امریکہ کے عزائم مستقبل کے شمسی فوجی منصوبوں کا باعث بن سکتے ہیں کیونکہ واشنگٹن کا مقصد خلائی سپر پاور کے طور پر ابھرنا ہے۔
