جنوبی کوریا (مانیٹرنگ ڈیسک) عام طور پر اسمارٹ فونز کی بات کی جائے تو اکثر افراد کے ذہن میں سام سنگ اور ایپل کا نام سب سے پہلے آتا ہے مگر ایل جی کی ڈیوائسز کا خیال بہت کم لوگوں کو آتا ہے۔ آئی فون ایکس ایس (10 ایس) اور گلیکسی کے نتئے انفٹنی او ڈیزائن والے گلیکسی ایس 10 (جو 20 فروری کو متعارف ہورہے ہیں)، سب لوگوں کی توجہ کا مرکز بنے ہوئے ہیں۔

ان فونز میں کیمرا سیٹ اپ، ڈیزائن اور فیچرز واقعی کمال کے ہیں مگر ایل جی نے آخرکار ایسا فون تیار کرلیا ہے جو کچھ ایسا کرسکتا ہے جو سام سنگ اور ایپل یا کسی بھی کمپنی کے فونز نہیں کرسکتے۔ ایل جی کا نیا فلیگ شپ فون جی 8 تھن کیو دیکھنے میں تو آئی فون ایکس جیسا ہے جو پہلا اینڈرائیڈ فون ہے جس میں ایپل جیسا فیس آئی ڈی فیچر بھی دیا جارہا ہے۔ یہ جنوبی کورین کمپنی اعلان کرچکی ہے کہ جی 8 کا فرنٹ کیمرا تھری ڈی میں چہرے کی شناخت کرسکے گا جیسا آئی فون ایکس یا ایکس ایس میں موجود ہے۔ تاہم جی 8 میں آئی فون ایکس جیسا نوچ کچھ چھوٹا ہے اور اس کی وجہ یہ ہے کہ اس میں اسپیکر نہیں۔ اور یہی وہ فیچر ہے جو آج تک کسی اسمارٹ فون میں سامنے نہیں آیا کیونکہ جی 8 کی پوری اسکرین ہی اسپیکر ہے۔ ایل جی نے جمرات اس بات کا اعلان کیا کہ کرسٹل ساﺅنڈ او ایل ای ڈی ٹیکنالوجی کو اس مقصد کے لیے استعمال کیا جارہا ہے جس میں اسکرین کو آڈیو ایمپلی فائر کے طور پر استعمال کیا جائے گا۔ کمپنی کا مزید کہنا تھا کہ اسپیکر موڈ میں آڈیو ‘متاثر کن bass ‘ کے ساتھ ہوگی جبکہ فل باڈی اسٹیریو پرفارمنس بھی ممکن ہوسکے گی۔ یہ کمپنی پہلے ہی اعلان کرچکی ہے کہ یہ ایسا فون ہوگا جس میں فیچرز استعمال کرنے کے لیے ٹچ اسکرین کو چھونے کی کوئی خاص ضرورت نہیں بلکہ جیسپر کنٹرول اس کی جگہ لے گا۔ جیسپر کنٹرول میں آپ فون کی اسکری نسے کچھ دور ہاتھ کی حرکت سے اپنی پسند کے فیچرز استعمال کرسکیں گے۔ ایل جی کی جانب سے یہ فون بارسلونا میں شیڈول موبائل ورلڈ کانگریس کے موقع پر 24 فروری کو متعارف کرایا جائے گا۔ ویسے اس فون کی پہلی جھلک بھی سامنے آچکی ہے جو آپ اوپر دیکھ سکتے ہیں جسے ٹوئٹر صارف ایون بلاس نے لیک کیا۔