ہفتہ‬‮ ، 30 اگست‬‮ 2025 

‘ آپ کو کس نے اندر بھیجا؟’بشریٰ بی بی کا جیل میں ملاقات کیلئے آئے وکلا سے سوال

datetime 17  اپریل‬‮  2025
ہمارا واٹس ایپ چینل جوائن کریں

اسلام آباد (نیوز ڈیسک)اڈیالہ جیل میں پاکستان تحریک انصاف کے بانی عمران خان اور ان کی اہلیہ بشریٰ بی بی سے گزشتہ روز ہونے والی وکلا کی ملاقات کی تفصیلات منظر عام پر آ گئی ہیں۔ذرائع کے مطابق ملاقات کے وقت بشریٰ بی بی بھی عمران خان کے ہمراہ موجود تھیں۔ وکلا کے پہنچنے پر بشریٰ بی بی نے ان سے استفسار کیا کہ کن کن وکلا کے نام ملاقات کی فہرست میں شامل تھے؟ جس پر بیرسٹر گوہر اور بیرسٹر سلمان صفدر نے تصدیق کی کہ ان کے نام فہرست میں شامل تھے۔

اطلاعات کے مطابق بشریٰ بی بی نے فیصل چوہدری اور علی عمران سے سوال کیا کہ انہیں اندر آنے کی اجازت کس نے دی؟ ان کا کہنا تھا کہ ان کے خاندان کے افراد کو ملاقات کی اجازت نہیں دی جاتی، تو وکلا کو کس بنیاد پر اندر بلایا جاتا ہے؟اس موقع پر ایک جیل افسر نے بشریٰ بی بی کو بتایا کہ وکلا سے ملاقات کے بعد اہلِ خانہ سے ملاقات کا وقت مقرر ہے، انہیں بعد میں آنے دیا جائے گا۔ذرائع کا کہنا ہے کہ عمران خان نے پارٹی رہنماؤں کو آپس کے اختلافات عوام میں لانے سے سختی سے منع کیا۔ ان کا کہنا تھا کہ اگرچہ ملاقاتوں کے لیے مخصوص افراد کی فہرست بنائی جاتی ہے، لیکن جنہیں اجازت مل جائے، وہ ضرور آئیں تاکہ پارٹی سے رابطہ قائم رہے۔

ذرائع کے مطابق عمران خان نے بیرسٹر گوہر، بیرسٹر سلمان صفدر اور بیرسٹر رائے سلمان سے بیس منٹ طویل علیحدہ ملاقات بھی کی۔ اس ملاقات میں مختلف قانونی اور سیاسی امور زیرِ بحث آئے۔مزید اطلاعات کے مطابق عمران خان نے واضح کیا کہ انہوں نے کسی کو اسٹیبلشمنٹ سے مذاکرات کی ہدایت نہیں دی۔ انہوں نے بتایا کہ علی امین گنڈا پور اور اعظم سواتی نے اپنی خواہش ظاہر کی کہ وہ بات چیت کرنا چاہتے ہیں۔ذرائع کا یہ بھی کہنا ہے کہ عمران خان نے بیرسٹر گوہر کے ساتھ مائنز اینڈ منرلز بل پر بھی تفصیلی گفتگو کی اور انہیں اس حوالے سے اہم رہنمائی دی۔

آج کی سب سے زیادہ پڑھی جانے والی خبریں


کالم



سنت یہ بھی ہے


ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…