جمعرات‬‮ ، 27 مارچ‬‮ 2025 

چین میں میڈیکل کے 2 پاکستانی طلبا ءکے چرچے کیوں ہو رہے ہیں؟

datetime 21  فروری‬‮  2025
ہمارا واٹس ایپ چینل جوائن کریں

اسلام آباد (نیوز ڈیسک) چین میں زیر تعلیم دو پاکستانی میڈیکل طلبہ نے ایک معمر چینی شہری کی جان بچا کر شاندار مثال قائم کردی۔ نجی ٹی وی کے مطابق، یوسف خان اور رفیق اللہ، جو میڈیکل کالج کے فائنل ایئر کے طالب علم ہیں، اس وقت توجہ کا مرکز بن گئے جب انہوں نے فوری طبی امداد فراہم کر کے ایک زندگی بچائی۔

یہ واقعہ اس وقت پیش آیا جب دونوں پاکستانی طالب علم سیاحت کے ارادے سے ایک ریلوے اسٹیشن پہنچے، جہاں انہوں نے ایک ضعیف شخص کو بے ہوش حالت میں زمین پر گرا ہوا پایا، جبکہ پولیس اہلکار صورتحال کا جائزہ لے رہے تھے۔ چین میں کسی بھی فرد کو بغیر اجازت طبی مدد فراہم کرنا قانونی پیچیدگیوں کا باعث بن سکتا ہے، اس لیے یوسف اور رفیق نے پہلے متعلقہ حکام سے اجازت لی۔

چونکہ دونوں میڈیکل کے طلبہ تھے، وہ فوراً اندازہ لگا چکے تھے کہ متاثرہ شخص کو فوری طبی امداد کی ضرورت ہے۔ انہوں نے دیکھا کہ بزرگ شہری کی نبض بہت کمزور تھی، دل کی دھڑکن بے ترتیب تھی اور سانس لینے میں دشواری ہو رہی تھی، جو کہ دل کے دورے کی علامات ہو سکتی ہیں۔ وقت ضائع کیے بغیر، انہوں نے کارڈیو پلمونری ری سسیٹیشن (سی پی آر) دینے کا فیصلہ کیا۔

یوسف خان نے اپنے ہاتھ متاثرہ شخص کی چھاتی پر رکھ کر سی پی آر شروع کیا، جبکہ رفیق اللہ نے وقفے وقفے سے مصنوعی سانس دی۔ چند لمحوں کی مسلسل کوششوں کے بعد، معمر شہری کی سانس بحال ہونا شروع ہوگئی۔ اس سارے منظر کو سی سی ٹی وی کیمروں نے محفوظ کر لیا۔

بی بی سی کے مطابق، اس بہادری کے بعد یوسف خان اور رفیق اللہ کو چین میں ہیرو قرار دیا گیا، اور چینی میڈیا نے ان سے خصوصی انٹرویوز بھی کیے۔ پاکستان میں موجود چینی سفارت خانے نے سوشل میڈیا پلیٹ فارم ’ایکس‘ پر ایک پوسٹ کے ذریعے دونوں طلبہ کی بہادری کو سراہا اور انہیں خراجِ تحسین پیش کیا۔

آج کی سب سے زیادہ پڑھی جانے والی خبریں


کالم



فنگر پرنٹس کی کہانی۔۔ محسن نقوی کے لیے


میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…

آپ کی تھوڑی سی مہربانی

اسٹیوجابز کے نام سے آپ واقف ہیں ‘ دنیا میں جہاں…