کراچی(این این آئی)کراچی کے پروفیسر نے تعمیراتی صنعت کو ماحول دوست بنانے کیلئے پائیدار اور سستی سیمنٹ تیار کرلیا۔ کالی سیمنٹ کے مقابلے میں اس سیمنٹ کی تیاری سے کاربن ڈائی آکسائیڈ اور گرین ہاس گیسز کا اخراج کم ہوگا۔

پاکستانی پروفیسر کی 8 برس کی محنت کا ثمر مل گیا، کراچی کی سرکاری جامعہ این ای ڈی کے پروفیسر نے ماحول دوست سیمنٹ تیار کرلی، جس سے کاربن ڈائی آکسائیڈ کے اخراج کو 40 فیصد تک کم کیا جاسکے گا۔پروفیسر طارق جمیل کا دعوی ہے کہ کالی سیمنٹ کے مقابلے میں یہ سیمنٹ 25 فیصد سستی اور دس گنا پائیدار ہوگی۔ماحول دوست سیمنٹ سے تیار عمارتیں گرمیوں میں ٹھنڈی اور سردیوں میں گرم ہوں گی۔ سمندر کے قریب یہ سیمنٹ عمارتوں کے سریے کو زنگ لگنے سے بچائے گی۔