کراچی (این این آئی)سینئر اداکار فیصل رحمان نے کہا ہے کہ مجھے وعدے کرنے سے ڈر لگتا ہے اس لئے ہر بار شادی کرنے کا ارادہ ترک کردیتا ہوں۔ایک ویب شو میں گفتگو کرتے ہوئے 58 سالہ اداکار فیصل رحمن نے بتایا کہ میں زندگی میں کئی لوگوں کے قریب ہوا اور شادی کرنے کا فیصلہ بھی کیا لیکن شادی نہ ہوسکی۔

انہوں نے کہا کہ مجھے وعدے کرنے سے ڈر لگتا ہے اس لیے میں ہر بار شادی کرنے کا ارادہ ترک کردیتا ہوں۔فیصل رحمان نے کہا کہ میرے خیال میں سارے مرد ہی اس طرح کے وعدے کرنے سے ڈرتے ہیں لیکن معاشرے کے دبا ئواور اپنے عدم تحفظ کی وجہ سے شادی کرلیتے ہیں کیونکہ انہیں لگتا ہے کہ زندگی میں کسی ساتھی کی ضرورت ہے۔ انہوں نے کہا کہ میرا خیال ہے کہ اگر ہم اچھی طرح خود کو پہچان لیں تو ہمیں زندگی میں کسی کے ساتھ کی ضرورت نہیں ہے۔اداکار نے کہا کہ دو لوگ صرف اس صورت میں ایک دوسرے کے ساتھ چل سکتے ہیں اگر وہ ایک دوسرے کو اچھی طرح سمجھ جائیں اور دونوں ایک ہی جیسی خصوصیات کے حامل ہوں۔فیصل رحمان نے کہا کہ مجھے زندگی میں کبھی بھی کسی سے محبت نہیں ہوئی۔