اسلام آباد (نیوز ڈیسک) ٹک ٹاک ویڈیوز بنانے پر باپ نے بیٹی کی جان لے لیبلوچی اسٹریٹ میں فائرنگ کے واقعے میں ایک 15 سالہ لڑکی جان کی بازی ہار گئی۔ پولیس کے مطابق، انہیں اطلاع ملی کہ ایک نوجوان لڑکی کو گولی مار کر قتل کردیا گیا ہے۔ جب تفتیش کی گئی تو معلوم ہوا کہ یہ افسوسناک واقعہ خود مقتولہ کے والد کے ہاتھوں پیش آیا۔گھر والوں سے تحقیقات کے دوران یہ انکشاف ہوا کہ لڑکی کو ٹک ٹاک ویڈیوز بنانے کا بے حد شوق تھا۔

والد نے اسے کئی بار ایسا کرنے سے منع کیا، لیکن وہ اپنی پسندیدہ سرگرمی ترک کرنے کو تیار نہیں تھی۔ باپ نے بارہا سمجھانے کی کوشش کی، مگر جب بیٹی باز نہ آئی تو وہ شدید غصے میں آگیا اور گولی چلا دی، جس سے وہ موقع پر ہی جاں بحق ہوگئی۔واقعے کے بعد، پولیس نے مقتولہ کی لاش اسپتال منتقل کردی جبکہ قاتل باپ کی گرفتاری کے لیے مختلف مقامات پر چھاپے مارے جا رہے ہیں۔