لاہور( این این آئی) سی ایم فری وائی فائی کا دائرہ کار وسیع کردیا گیا۔تفصیلات کے مطابق لاہور میں 200 سے زائد مقامات پر فری وائی فائی سروس فراہم کر دی گئی۔پنجاب سیف سٹیزاتھارٹی نے پنجاب کے 11 اضلاع میں مفت وائی فائی کی سروس فراہم کر دی۔ 270 وائی فائی ہاٹ سپاٹس سے شہریوں کو انٹرنیٹ کی فراہمی شروع کردی گئی۔

لاہور سمیت قصور، ننکانہ صاحب،شیخوپورہ، سیالکوٹ، گجرات، جہلم، اٹک میں سروس فعال کردی گئی اس کے علاوہ ساہیوال، اوکاڑہ اور مری کے اہم مقامات پر بھی مفت وائی فائی سروس فراہم کی جانے لگی۔ترجمان سیف سٹیز اتھارٹی کے مطابق اب تک13 ملین سے زائد صارفین نے 265 ٹی بی ڈیٹا استعمال کیا۔ شہری مفت وائی فائی سروس سے استفادہ کر کے اپنی روزمرہ زندگی کو آسان بنا رہے ہیں۔ وزیر اعلیٰ پنجاب کے احکامات پر پنجاب کو ڈیجیٹل صوبہ بنا رہے ہیں۔فری وائی فائی ایمرجنسی سروس ویڈیو سٹریمنگ یا انٹرٹینمنٹ کیلئے نہیں ہے۔