لاہور( این این آئی)معروف صحافی و تجزیہ نگار ارشاد بھٹی نے سابقہ اداکارہ سما راج سے دوسری شادی کرلی۔شادی کی تقریب لاہور کی بادشاہی مسجد کے قریب واقع ریسٹورنٹ میں منعقد کی گئی جس میں دوست احباب اور رشتہ داروں نے شرکت کی۔شادی کی سوشل میڈیا پر ویڈیوز بھی وائرل ہوچکی ہیں جس میں سابقہ اداکارہ سماراج اور صحافی ارشاد بھٹی کو فوٹوشوٹ کراتے دیکھا جاسکتا ہے، سابقہ اداکارہ نے اپنے آفیشل انسٹاگرام اکائونٹ پر بھی شادی کی ویڈیوز کو شیئر کیا اور کیپشن میں قرآنی آیت کا ترجمعہ تحریر کیا اور ہم نے تمہیں جوڑے جوڑے پیدا کیا۔
انہوں نے مزید لکھا کہ اللہ کے لیے ایک دوسرے سے محبت کرتے تھے،اللہ کی رضا کے لیے ایک دوسرے سے نکاح کیا،اللہ ہمیں دنیا، آخرت اور جنت میں ساتھ رکھے۔دوسری جانب صحافی ارشاد بھٹی کی جانب سے تاحال شادی کے بارے کوئی باضابطہ اعلان نہیں کیا گیا۔سوشل میڈیا صارفین دونوں کو مبارکباد اور دعائیں دے رہے ہیں اور آنے والی زندگی کے لئے نیک خواہشات کا اظہار کررہے ہیں۔ ارشاد بھٹی کی پہلی اہلیہ دو سال قبل انتقال کر گئی تھیں۔
