اسلام آباد (این این آئی)سابق کپتان قومی کرکٹ ٹیم شاہد آفریدی نے کہاہے کہ فیض حمیدکیخلاف کارروائی سے موجودہ قیادت کے خود احتسابی کے بیانئے کو تقویت ملے گی۔ایکس پر جاری بیان میں شاہد آفریدی نے کہا کہ آئی ایس پی آر کی پریس ریلیز کے مطابق لیفٹیننٹ جنرل فیض حمید کے خلاف فرد جرم عائد کرکے فیلڈ جنرل کورٹ مارشل کی باقاعدہ کارروائی کا آغاز کر دیا گیا ہے۔شاہد آفریدی نے کہاکہ اس کارروائی سے موجودہ قیادت کے خود احتسابی کے بیانئے کو مزید تقویت حاصل ہوگی اور اس تاثر کو زائل کیا جاسکے گا کہ طاقتور احتساب سے بالا تر ہے۔