خانپور (این این آئی)سربراہ جے یو آئی (ف)مولانا فضل الرحمن نے کہا ہے کہ خیبر پختونخوا میں گورنر راج نافذ کر نے کے حامی نہیں، گورنر راج نہیں لگ سکتا، ایسے حالات نہیں، کسی پارٹی پر پابندی لگانے کے حق میں بھی نہیں ہیں۔رحیم یار خان سے خان پور پہنچنے پر میڈیا سے گفتگو میں مولانا فضل الرحمن نے کہا کہ خیبر پختونخوا میں گورنر راج کا پتا نہیں لیکن جو کچھ اسلام آباد میں ہوا، اچھا نہیں ہوا، میں مذمت کرتا ہوں۔
انہوں نے کہا کہ خیبر پختونخواہ میں گورنر راج نافذ کرنے کا حامی نہیں ہوں، صوبے میں گورنر راج نہیں لگ سکتا، ایسے حالات نہیں۔سربراہ جے یو آئی نے کہا کہ بانی پی ٹی آئی کی رہائی کا فیصلہ عدالت کرے گی، کسی بھی سیاسی جماعت پر پابندی عائد نہیں ہونی چاہیے، نجومی نہیں کہ بتادوں حکومت کتنی دیر تک چلے گی۔ انہوں نے کہا کہ پاکستان کو اب ٹرمپ چلائے گا انا للہ وانا الیہ راجعون، ٹرمپ بانی پی ٹی آئی کو آزاد کرائیں گے، توبہ توبہ۔
