کراچی (این این آئی)کراچی میں اسٹریٹ کرائم کی وارداتوں میں خواتین فیملی ڈکیت گروہ کے ملوث ہونے کا انکشاف سامنے آیا ہے ، گروہ میں شامل خاتون نے شوہراور رشتے داروں کے ساتھ مل کر دوسو سے زائد موبائل فون چھینے کا اعتراف کرلیا ہے ۔تفصیلات کے مطابق رضویہ پولیس نے گزشتہ رات خاتون ملزمہ سمیت 6 ملزمان کوگرفتارکیا ،

پولیس نے بتایا کہ خاتون ملزمہ اسلحہ اپنے پرس میں رکھتی تھی۔ملزمان نے اعتراف کیا کہ ڈکیت گروہ یومیہ 12 سیزائدموبائل فون چھینتے تھے ، ملزمان ڈکیتی مزاحمت پرمتعدد شہریوں کوزخمی کرچکے ہیں ۔گروہ میں شامل خاتون نے شوہراور رشتے داروں کے ساتھ مل کر 200 سے زائد موبائل فون چھینے کا اعتراف کرلیا ہیپولیس کے مطابق کرفتار ملزمان میں رضوان،رمضان،علی،قمر،منیراورکائنات شام ہیں، پولیس نے ملزمان سے اسلحہ،نقدرقم اور2موٹر سائیکل برآمد کرلی ہے۔