لاہور ( این این آئی) وزیراعلی پنجاب مریم نواز لاہور کو خوبصورت بنانے کے لئے سنجیدہ ہو گئیں، لاہور کے گلی محلے، کوچے، پسماندہ اور مضافاتی بستیوں کے لئے خزانے کے منہ کھول دئیے گئے۔باغوں کے شہر کی ری ویمپنگ پروگرام کے لئے ایک کھرب 37ارب کا بجٹ منظور کر لیا گیا، ری ویمپنگ پروگرام میں نکاسی آب، پختہ سڑکیں، سٹریٹ لائٹس اور گلیاں شامل ہیں، پارکس اور قبرستانوں کی بحالی کا کام بھی پروگرام میں شامل ہے۔867سکیموں کے لئے 78ارب روپے کی خطیر رقم کی منظوری دی گئی،
مضافاتی اور پسماندہ علاقوں کے لئے 59کروڑ روپے کے فنڈ مختص جبکہ لاہور ری ویمپنگ پروگرام کے 3 پیکیجز بھی منظور کر لئے گئے۔پہلے پیکیج میں 6زون، پیکیج ٹو میں 3زون کی ترقیاتی سکیمیں منظور، پیکیج تھری میں مضافاتی اور پسماندہ علاقے کی سکیمیں منظور کی گئیں، ری ویمپنگ پروگرام مکمل کرنے کیلئے وزیر اعلی پنجاب نے 10ماہ کی ڈیڈ لائن دیدی۔
