احمد پور سیال(این این آئی) بجلی کے بل یا موت کے پروانے،بل کی ادائیگی والدین کے لئے کڑا امتحان بن گیا ۔احمد پور سیال میں بجلی کے بھاری بھرکم بلوں کے خلاف بچے بھی میدان میں آگئے ۔ محلہ گھاڑوآں والا احمد پور سیال کے بچوں نے اپنے ہاتھوں میں بجلی کے بل اٹھا کراپنا احتجاج ریکارڈ کروایا اور کہا کہ ہ ہمارے والدین کی اتنی آمدن نہیں جتنے انہیں بل ادا کرنا پڑتے ہیں۔

آئے روز بجلی کی قیمتیں نہیں بڑھائی جاتیں بلکہ ہمارے حقوق پر ڈاکہ ڈالا جاتا ہے کیونکہ بل کی ادائیگیوں کے بعد ہماری فیسیں ادا کرنے کے ساتھ ساتھ دیگر اخراجات پورے کرنا ہمارے والدین کے لئے مشکل ہی نہیں ناممکن ہے۔ انہوں نے فوری طور پر بجلی کے نرخوں میں کمی کا مطالبہ کیا ۔