راولپنڈی (این این آئی)اڈیالہ جیل میں حوالاتیوں کے درمیان جھگڑا،خود ساختہ کٹر کے وارسے ایک حوالاتی شدید زخمی ہوگیا۔ تھانہ صدر بیرونی پولیس نے اسسٹنٹ سپریٹنڈنٹ اڈیالہ جیل عامر شہزاد کی مدعیت میں مقدمہ درج کرلیا۔مقدمہ میں3حوالاتیوں حماد صدیق،شاہ ویز اور شمس کو ملزم نامزد کیا گیا۔ مقدمہ کے متن کے مطابق حوالاتی حماد صدیق بارک 1سے 8گیا،شاہ ویز اور شمس سے جھگڑے بارے صلاح مشورہ کیا،حوالاتی شمس بارک 1،کمرہ 2سے صائم کو بلا کر برآمدے لایا،حوالاتی حماد صدیق،شاہ ویز نے خود ساختہ کٹر سے صائم پرحملہ کرکیناک پیشانی اور بازو کو زخمی کیا،مقدمہ میں ایس جی وارڈرعدیل شہزاد،چیف ہیڈ وارڈر فیاض احمد کو گواہ کے طور پر شامل کیا گیا۔