اسلام آباد (این این آئی)ڈی جی پاسپورٹس مصطفی جمال نے کہا ہے کہ شادی شدہ خاتون کا پاسپورٹ میں نام کے ساتھ شوہر کا نام درج کرانا قانون ہے، پاسپورٹس میں موڈیفکیشن کریں گے، سابقہ شوہر کے نام کا باکس بھی ہو گا۔ایک انٹرویومیں گفتگو کرتے ہوئے انہوں نے کہا کہ نادرا کا ریکارڈ لوکل ہوتا ہے، پاسپورٹس کا استعمال انٹرنیشنل طور پر ہوتا ہے۔

ڈی جی پاسپورٹس مصطفی جمال نے کہا کہ صارفین کا یہ ڈیٹا بیس صرف پاکستان میں ہوتا ہے، صارف کے ڈیٹا کو صرف پاکستان اون کرتا ہے، گورنمنٹ ڈاکومنٹ پر چلتی ہے، سرکار میں انفارمل چیزیں استعمال نہیں ہوتیں۔انہوںنے کہاکہ پاسپورٹس کی تیاری میں مشینری کا ایشو تھا، اب ان پرنٹرز کا بھی آرڈر کر دیا ہے، 28 مارچ تک نارمل پاسپورٹس بنوانے والوں کو پاسپورٹس مل چکے ہیں۔ڈی جی پاسپورٹس مصطفی جمال کے مطابق پاسپورٹس کے اجرا کا بیک لاک جلد کلیئر کر دیں گے، روز کی بنیاد پر 75 ہزار پاسپورٹس پراسس ہوتے ہیں۔انہوں نے بتایا کہ ہفتے میں 7 روز 24 گھنٹے کی شفٹس چلا رہے ہیں، ہمارے پاس یومیہ پاسپورٹس پرنٹ کی صلاحیت 25 ہزار کی ہے۔