اسلام آباد (این این آئی)پاکستان مسلم لیگ (ن )اور پاکستان پیپلز پارٹی نے مرکز میں حکومت سازی کے لیے شراکت اقتدار کا فارمولا تیار کر لیا۔ذرائع کے مطابق وفاق میں حکومت بنانے کیلئے (ن )لیگ، پیپلز پارٹی، ایم کیو ایم اور جے یو آئی ف کے درمیان سیاسی اتحاد متوقع ہے، (ن لیگ اور پیپلز پارٹی کے درمیان 2 نکاتی فارمولا تیار کر لیا گیا ہے۔
ذرائع کے مطابق (ن )لیگ اور پیپلز پارٹی کے درمیان بات چیت میں کردار ادا کرنے والی انتہائی اہم شخصیت نے بتایا کہ پیپلز پارٹی اپنی سی ای سی کے اجلاس میں شراکت اقتدار کے حوالے سے کسی حتمی نتیجے پر پہنچ جائیگی۔ذرائع کے مطابق دو نکاتی فارمولے کے مطابق پہلے مرحلے میں زیادہ نشستوں والی پارٹی کا وزیراعظم 3 سال رہے گا جبکہ دوسرے مرحلے میں 2 سال کے لیے دوسری جماعت کا وزیراعظم ہو گا جبکہ پیپلز پارٹی پنجاب کی وزارت اعلی کے لیے مریم نواز کی حمایت کی یقین دہانی کرائے گی۔ذرائع پیپلز پارٹی کے مطابق پیپلز پارٹی کی سینڑل ایگزیکٹو کمیٹی کے اجلاس میں وفاق میں پہلی یا دوسری مدت کے فارمولے پر غور ہو گا۔
