کراچی(این این آئی)جمعیت علماء اسلام کے امیر مولانا فضل الرحمن نے کہاہے کہ بم دھماکوں اور حملوں سے ڈرایا یا مرعوب نہیں کیا جاسکتا،ہماری ہر دور کی تاریخ لازوال قربانیوں سے بھری پڑی ہے،حافظ حمداللہ ہمارا سرمایہ ہیں ، اللہ تعالی ان کو جلد صحت یاب فرمائے۔جے یوآئی کے مرکزی امیرمولانافضل الرحمن نے پیرکو کراچی کے نجی اسپتال میں زیرعلاج حافظ حمداللہ کی عیادت کی۔
مولانا راشد محمود سومرو، انجینئر ضیا الرحمان ، ڈاکٹر نصیرالدین سواتی،مولانا محمد غیاث ، سمیع سواتی ، حاجی امین اللہ،مولانا حماد اللہ شاہ ، شرف الدین اندھڑ ، مولانا احسان اللہ ٹکروی، جمال کاکڑ ودیگر بھی ان کے ہمراہ تھے۔اس موقع پر بات چیت کرتے ہوئے انہوں نے کہاکہ ہم پہلے بھی اسلام، ملک اور امن کے ساتھ کھڑے تھے آج بھی وہی ہیں۔
انہوںنے کہاکہ ہمارے رہنما اور کارکنان جرات واستقامت کا پہاڑ ثابت ہوئے ،حافظ حمداللہ پر ہونے والا حملہ بربریت کی انتہا ہے ۔مولانا فضل الرحمان نے کہاکہ نگران حکومت اس افسوس ناک واقعہ کے ذمہ داران کو کیفر کردار تک پہنچائے ۔انہوں نے کہاکہ جے یوآئی رہنمائوں اور کارکنان پر حملے کسی صورت میں قابل قبول نہیں۔اس موقع پر مولانا فضل الرحمان نے دھماکے کے دیگر زخمیوں کی جلد صحت یابی کیلئے بھی دعا۔
