راولپنڈی(مانیٹرنگ ڈیسک)پی ٹی آئی چیئر مین عمران خان کی گرفتاری پر ہونیوالے پرتشدد مظاہروں میں سرکاری ملازمین بھی حصہ لیتے رہے ہیں۔
جنگ اخبار میں راحت منیر کی خبر کے مطابق مری روڈ پر احتجاج،میٹروسٹیشنز پر توڑ پھوڑ اور حساس ادارے کے ہیڈ کوارٹر پر حملہ کی مختلف فوٹیج میں راولپنڈی میونسپل لیبر یونین کے صدر راجہ ہارون رشید، جنرل سیکرٹری شاہدرضا پادری،ڈیٹا آپریٹر محمد ادریس اور دیگر سرکاری ملازمین بھی نظر آرہے ہیں اس حوالے سے کمشنر راولپنڈی ڈویژن لیاقت علی چٹھہ نے رابطہ کرنے پر تصدیق کی اور کہا کہ نادرا سے ویری فکیشن کے بعد ان کیخلاف محکمانہ کارروائی کی جارہی ہے،ذرائع کے مطابق احتجاج میں شرکت کیلئے جانے سے قبل میونسپل کارپوریشن کے ملازمین نے آفس کے باہر مسلم لیگی رہنما ناصر بٹ کی طرف سے لگایا گیا بورڈ جس پرنواز شریف ،شہباز شریف، مریم نواز اور حمزہ شہبازکی تصاویر بھی تھیں، کو نذر آتش کیا تھا۔
