اتوار‬‮ ، 14 ستمبر‬‮ 2025 

ایف بی آر کا سرور بیٹھ گیا، گوشوارے جمع کرانے میں شدید مشکلات

datetime 26  ستمبر‬‮  2021
ہمارا واٹس ایپ چینل جوائن کریں

کراچی(این این آئی)فیڈرل بورڈآف ریونیو(ایف بی آر)کا آن لائن آئی آر ایس سروس پورٹل بیٹھ گیا۔ملک بھر میں ایف بی آر آن لائن ٹیکس گوشوارے جمع کرانے میں شدید مشکلات کا سامنا ہے، گوشوارے جمع کرانے کی آخری تاریخ 30 ستمبر ہے۔ایف بی آر حکام کے مطابق آن لائن گوشوارے جمع کرانے کے باعث آئی آر ایس پورٹل پر دبا ہے، سرور پر دبا کے باعث آن لائن گوشوارے جمع

کرانے کا پورٹل کام نہیں کر رہا۔ وفاقی حکومت کو ٹیکس نیٹ وسیع کرنے میں بدستور مشکلات کا سامنا ہے جب کہ 3 ماہ کے دوران حکومت بمشکل 1900 نئی سیلز مشینوں کو ٹیکس سسٹم سے منسلک کرپائی۔فیڈرل بورڈ آف ریونیو کے ذرائع کے مطابق گزشتہ ٹیکس ایئر میں3.1 ملین انکم ٹیکس ریٹرز فائل ہوئے تھے مگر موجودہ ٹیکس ایئر میں ایف بی آر کو اب تک ایک ملین کے لگ بھگ ٹیکس ریٹرنز موصول ہوئے ہیں۔دوسری جانب چیئرمین ایف بی آر ڈاکٹر محمد اشفاق احمد کہہ چکے ہیں کہ ٹیکس ریٹرن فائل کرنے کی آخری تاریخ میں توسیع نہیں کی جائے گی۔ حکومت نے عوام کو ٹیکس ریٹرن فائل کرنے کی جانب راغب کرنے کے لیے متعدد اقدامات کیے ہیں مگر اب تک ان اقدامات کے کوئی نتائج برآمد نہیں ہوسکے۔حکومت نے یہ دعوی بھی کیا تھا کہ ودہولڈنگ ٹیکس کی ادائیگیوں کی بنیاد پر اس نے 7.2 ملین افراد کی نشاندہی کی ہے۔ مگر ان میں سے صرف ساڑھے تین لاک کو ٹیکس نیٹ میں لایا جاسکا۔اعدادوشمار کے مطابق ایف بی آر سے منسلک سیلز پوائنٹس کی تعداد 13700سے کچھ اوپر ہے۔ رواں برس جون میں یہ تعداد 11830 تھی۔ یعنی موجودہ مالی سال کے ابتدائی 3ماہ میں تقریبا 1900 سیلزپوائنٹس کا اضافہ ہوسکا۔واضح رہے کہ ٹیکس ریٹرن کی مقررہ مدت ختم ہونے میں 5دن باقی ہیں اور اب تک صرف 10لاکھ ریٹرنز جمع کرائے گئے ہیں۔

آج کی سب سے زیادہ پڑھی جانے والی خبریں


کالم



انجن ڈرائیور


رینڈی پاش (Randy Pausch) کارنیگی میلن یونیورسٹی میں…

اگر یہ مسلمان ہیں تو پھر

حضرت بہائوالدین نقش بندیؒ اپنے گائوں کی گلیوں…

Inattentional Blindness

کرسٹن آٹھ سال کا بچہ تھا‘ وہ پارک کے بینچ پر اداس…

پروفیسر غنی جاوید(پارٹ ٹو)

پروفیسر غنی جاوید کے ساتھ میرا عجیب سا تعلق تھا‘…

پروفیسر غنی جاوید

’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…