اسلام آباد (این این آئی)نائب صدر پیپلز پارٹی سینیٹر شیری رحمان نے کہا ہے کہ تباہی سرکار کی نا اہلی کی وجہ سے ہر پاکستانی 1لاکھ 75 ہزار کا مقروض ہے،بیرونی قرض 18 کھرب روپے تک پہنچ گیا ہے جو ایک سال میں 7.5 فیصد بڑھا ہے،شرمناک بات ہے کہ حکومت نے پاکستان کی 1 فیصد آبادی کو بھی ویکسین نہیں لگائی،

ملک میں ہر طرف بہران کی کیفیت ہے، لوگ مہنگائی کی سونامی سے پریشان ہیں۔ ایک بیان میں2018 سے حکومت نے مجموعی طور پر 33 ارب ڈالر کے غیر ملکی قرضے حاصل کیے ہیں جس میں یورو بانڈز بھی شامل ہیں۔ انہوںنے کہاکہ بیرونی قرض 18 کھرب روپے تک پہنچ گیا ہے جو ایک سال میں 7.5 فیصد بڑھا ہے۔ انہوںنے کہاکہ مجموئی طور پر پبلک ڈیٹ 44 کھرب روپے سے اوپر ہو چکا ہے۔ انہوںنے کہاکہ صبح شام یہ دعوی کرتے تھے کہ قرض نہیں لے گئے ،آج تباہی سرکار کی نا اہلی کی وجہ سے ہر پاکستانی 1لاکھ 75 ہزار کا مقروض ہے۔ انہوںنے کہاکہ شرمناک بات ہے کہ حکومت نے پاکستان کی 1 فیصد آبادی کو بھی ویکسین نہیں لگائی اس پر بھی چین کے بیل آؤٹ کا انتظار کیا گیا۔ایک اور ٹوئٹ میں انہوںنے کہاکہ ملک میں ہر طرف بہران کی کیفیت ہے، لوگ مہنگائی کی سونامی سے پریشان ہیں۔ انہوںنے کہاکہ کرونا کی نہ ویکسین ہے نہ کوی حالات سنبھالنے کا منصوبہ، ملک اب خوفناک قرضوں کی لپیٹ میں آ گیا ہے۔ انہوںنے کہاکہ تباہی سرکار کے بیچ خود سیاسی طوفان ہے، نہ پارلیمان چل رہا ہے نہ معیشت نہ ہی ملک۔