اوکاڑہ(آن لائن)مسلم لیگ ن کے راہنما چودھری فیاض ظفر نے کہاہے کہ ن لیگ کو توڑنے کے خواب دیکھنے والے اب پی ٹی آئی سے ’’ٹی ‘‘کو نکلتا اپنی آنکھوں سے دیکھ رہے ہیں او رشرم و حیاپھر بھی عنقا ہے ان خیالات کا اظہارانہوں نے اوکاڑہ میڈیا سنٹر کے وفد سے بات چیت کرتے ہوئے کیا چودھری فیاض ظفر نے کہا ہے کہ جنر ل مشرف کے دور حکومت سے شور و واویلا کیا جاتا رہا ہے
کہ مسلم لیگ ن سے شہباز شریف الگ ہو کر مسلم لیگ ش بنائیں گے یہ اس خواب کا زور و شور موجودہ سلیکٹڈ میں خوب بڑھا لیکن ابھی تک یہ خواب چکنا چور ہوتا جا رہا ہے تاہم اب پی ٹی آئی سے ٹی یعنی ترین نکل رہے ہیں اور اچھا خاصہ پی ٹی آئی کی گاڑی میں ڈنٹ پڑ رہا ہے اس سارے کے باوجود کسی کے قریب سے بھی شرم وحیا ء نہیں گذری یہ تو ان کے لئے عنقا سے کم نہیں ہے۔
