کراچی (این این آئی)وزیراعظم عمران خان نے کتنی سرکاری مراعات حاصل کیں، بزرگ شہری عدالت پہنچ گیا، وزیراعظم عمران خان نے 2013 تا 2018 کتنی سرکاری مراعات حاصل کیں؟ کراچی کا 79 سالہ بزرگ شہری معلومات کے لیے ڈھائی سال سے کوشاں، معلومات نہ ملنے پر بزرگ شہری مایوس، بالآخر سندھ ہائیکورٹ کا

دروازہ کھٹکھٹایا دیا۔ عدالت کے اعتراض پر بزرگ شہری نے درخواست واپس لے لی۔ ہائیکورٹ میں کراچی کے 79 سالہ بزرگ شہری شیر محمد چشتی نے دائر درخواست کی سماعت ہوئی۔ درخواستگزار کے وکیل نے موقف دیا کہ 2 اکتوبر 2018 سے اسپیکر قومی اسمبلی کو خطوط لکھ رہا ہوں۔ ماضی میں حکمرانوں نے کتنی مراعات لیں، معلومات موجود ہیں۔ موجودہ وزیراعظم عمران خان کی 2013 سے 18 کی سرکاری مراعات کا علم نہیں۔بتایا جائے 2013 تا 18 قومی اسمبلی کے کتنے سیشن ہوئے؟ بتایا جائے، عمران خان نے کتنے سیشن میں شرکت کی؟ بتایا جائے، عمران خان نے کتنی تنخواہ، مراعات حاصل کیں؟ بتایا جائے اس دوران عمران خان کو کتنے الانس دیے گئے؟ سیشن اور ماہانہ بنیادوں پر معلومات فراہم کی جائیں۔ 2018 سے اسپیکر قومی اسمبلی اور چیف انفارمیشن کمشنر کو خطوط لکھ رہا ہوں۔ فریڈم آف انفارمیشن آرڈینیس کے تحت معلومات لینا میرا حق ہے۔ بطور شہری معلومات کا حصول میرا حق ہے۔ سرکاری ادارے قانون ہونے کے باوجود معلومات نہیں دے رہے۔ استدعا ہے کہ وقت ضائع کرنے پر 5 لاکھ روپے جرمانہ دلوایا جائے۔ عدالت نے ریمارکس دیئے ہرجانے کے لیے سوٹ داخل کیا جاتا ہے۔ درخواستگزار نے تکنیکی غلطی ہونے پر درخواست واپس لے لی۔