لاہور(این این آئی) ہائیر ایجو کمیشن کمیشن نے پی ایچ ڈی میں داخلے کیلئے نئی پالیسی جاری کردی ہے جس کے مطابق اب بی ایس کے بعد براہ راست پی ایچ ڈی میں داخلہ ہو سکے گا۔طلباکو بی ایس میں اضافی گھنٹے پڑھنا ہوں گے،متعلقہ مضمون کے علاوہ

کسی بھی مضمون میں پی ایچ ڈی کی اجازت ہو گی،جامعات کی ایڈمک کمیٹیز پی ایچ ڈی کی اہلیت کا تعین کرنے اور اضافی مضمون پڑھانے کا فیصلہ کریں گی۔نومبر 2013 سے قبل پی ایچ ڈی پروگرام چلانے والی جامعات کو 31 دسمبر 2020 تک ایچ ای سی کو رپورٹ جمع کروانا ہوگی، نومبر 2013 کے بعد پی ایچ ڈی پروگرام شروع کرنے والی جامعات کو 31 دسمبر سے قبل این او سی لینا ہوگا، این او سی نہ لینے والی جامعات کی تصدیق نہیں کی جائے گی، جامعات اپنے متعلقہ بورڈز سے منظوری کروا کے پالیسی کو اپنائیں گی، ایچ ای سی کی نئی پالیسی یکم جنوری 2021 سے نافذ العمل ہو گی۔

موضوعات:ہائیر ایجو کمیشن کمیشن