اسلام آباد (این این آئی)پی ٹی سی ایل گروپ کے سی ای اواور یوفون کے صدر راشد خان طویل علالت کے بعد انتقال کر گئے۔راشد خان نے 2019 میں پی ٹی سی ایل گروپ کے سی ای او کا عہدہ سنبھالا۔پی ٹی سی ایل گروپ کی جانب سے مرحوم کی فیملی سے دلی ہمدردی اور گہر ی تعزیت کا اظہار کیا گیا ، دریں اثنا وفاقی وزیر آئی ٹی و ٹیلی کام سید امین الحق
نے پی ٹی سی ایل، یوفون کے صدر راشد خان کے انتقال پر اظہار افسوس کیا ہے ۔ اپنے بیان میں انہوںنے کہاکہ راشد خان ایک نہایت قابل اور تجربہ کار شخص تھے جنھوں نے پیشہ ورانہ طریقے سے اپنی خدمات انجام دیں۔ امین الحق نے کہاکہ راشد خان کا اچانک انتقال پی ٹی سی ایل، یو فون اور تمام منسلک اداروں کیلئے صدمے سے کم نہیں۔
