لاہور (مانیٹرنگ ڈیسک ) پاکستان ڈیمو کریٹ موومنٹ کا لاہور مینار پاکستان میں تاریخی جلسے کی تیاریاں مکمل لیکن جلسہ گاہ اب تک خالی ہے، لوگوں کے نہ پہنچنے پر لیگی قیادت میں تشویش کی لہر دوڑ گئی۔نجی ٹی وی اے آر وائے نے دعویٰ کیا ہے کہ پی ڈی ایم اپوزیشن اتحاد پاکستان ڈیموکریٹک موؤمنٹ (پی ڈی ایم) میں
شامل گیارہ سیاسی جماعتیں بھی گریٹ اقبال پارک میں عوام کو نہ لاسکے، گریٹر اقبال پارک کا بڑا حصہ اب بھی خالی ہے اور کرسیاں لوگوں کا انتظار کررہی ہیں۔ ذرائع کا کہنا ہے کہ عوام کے نہ پہنچنے پر مسلم لیگ نواز کی قیادت نے اراکین اسمبلی سے ناراضی کا اظہار کردیا۔ذرائع کا کہنا ہے کہ جلسے کا وقت دوپہر دو بجے کا تھا لیکن اب مغرب تک جلسہ شروع کیے جانے کا امکان ہے۔دوسری جانب پی ڈی ایم انتظامیہ کے ناقص انتظامات کے باعث جلسہ گاہ پہنچنے والے کارکنان بھی پنڈال چھوڑ کر اسٹیج پر پہنچ گئے۔
