اسلام آباد(آن لائن) مشیر برائے پارلیمانی امور ڈاکٹر بابر اعوان نے کہا ہے کہ حکومت آئینی ترمیم لیکر آرہی ہے،سینیٹ الیکشن جنوری تک آجائے گا، ان کا کہنا تھا عوام کو کورونا وباء سے بچانے کیلئے حکومت کو ایمرجنسی لگانی چاہئے اور اس بارے میں سنجیدگی سے غور کر رہے ہیں،کورونا و با نے کسی کا لحاظ نہیں کرنا ہے،پوری ریاست اس بات پر فوکس کر رہی ہے کہ

عوام کو وائرس سے بچائیں۔ایک نجی ٹی وی کو انٹرویو میں بابراعوان نے کہا کہ پارلیمنٹ کے اندر سپیکر قومی اسمبلی اسد قیصر اور چیئرمین سینیٹ صادق سنجرانی کی اہم میٹنگ ہوئی ہے،جس کا مقصد کورونا سے عوام کو بچانا ہے،کورونا سے متاثرہ افراد سے گھر والے ان سے نفرت کی بجائے پیار کریں،برطانیہ فرانس اور امریکہ سے بڑھ کر پاکستان کے عوام کو تحفظ رہا ہے،صوبوں کے اندر سمارٹ اور مائیکر و لاک ڈاؤن کا سلسلہ جاری ہے،عوام کی جان ومال کا تحفظ ہر صورت کریں گے،گرفتاریاں ہوئیں تو عوام نہیں بلکہ پوری دنیا کو معلوم ہوگا،صدر وزیراعظم نے شریف برادران سے تعزیت کا اظہار کیا ہے،اس پر تبصرہ نہیں کروں گا،اپوزیشن جماعتوں سے رابطوں کے بارے میں بھی تبصرہ نہیں کروں گا،ہمارے لیڈر پاکستان سے چوری کرکے پیسہ باہر لیجاتے ہیں ،حکومت آئینی ترمیم لیکر آرہی ہے،سینیٹ کے الیکشن کا شیڈول جنوری تک آجائے گا، مارچ میں نئے سینیٹرز حلف اٹھائیں گے،سینیٹ کے الیکشن میں غیر جانب دارانہ نظام رائج ہوگا،شفاف نظام عمران خان لانا چاہتے ہیں،عافیہ صدیقی17سال سے قید میں ہیں،صدر اوبامہ کو درخواست دی گئی تھی مگرکامیابی نہیں ہوئی۔بابر اعوان نے کہا کہ دنیا بھر میں ترکی کے صدر رجب طیب اردوان اور عمران خان اسلام کا جھنڈا لیکر چل رہے ہیں،ناموس رسالت ﷺ پر ہماری جانیں قربان ہیں۔انہوں نے کہا کہ عافیہ صدیقی کی وطن واپسی کے روشن امکانات ہیں،اسلام مخالف پروپیگنڈے کی دنیا کے ہر فورم پر پاکستان مخالفت کرے گا۔

موضوعات:ڈاکٹر بابر اعوان کورونا وائرس