ہم گلگت بلتستان کو صوبہ بنا رہے تھے مگر اپوزیشن نے نہیں بنانے دیا، علی امین گنڈا پور نے ن لیگ اور پیپلز پارٹی کو غدار اور منافق قرار دیدیا

12  ‬‮نومبر‬‮  2020

روندو(گلگت)(آن لائن) وفاقی وزیر برائے امور کشمیر و گلگت بلتستان علی امین گنڈا پور نے کہا ہے کہ پاکستان مسلم لیگ نواز اور پاکستان پیپلز پارٹی نے گلگت بلتستان کے عوام کو دھوکہ دیا۔گلگت بلتستان کے ضلع روندو میں انتخابی جلسے سے خطاب کرتے ہوئے علی امین گنڈا پور نے کہا کہ ن لیگ اور پیپلز پارٹی اولے ووٹ لینے کے بعد آپ کا پیسہ کھا گئے گلگت بلتستان کے عوام کو

دونوں پارٹیوں نے دھوکہ دیا۔انہوں نے کہا کہ وزیراعظم عمران خان کے دل میں پاکستان اور عوام کا درد ہے۔ ماضی کی حکومتوں نے گلگت بلتستان کے عوام کیلئے کچھ نہیں کیا۔ عمران خان نے پاکستان کو مفت علاج کیلئے کینسر اسپتال دیا۔علی امین گنڈا پور نے کہا کہ ماضی کی حکومتوں نے گلگت کو آئینی حقوق اس لیے نہیں دیئے کہ کہیں بھارت ناراض نہ ہوجائے۔ 4 ماہ پہلے ہی گلگت کو صوبہ بنارہے تھے لیکن اپوزیشن نے بنانے نہیں دیا۔ مسلم لیگ ن اور پیپلز پارٹی غدار اور منافق ہیں۔ روک سکتے ہو تو روک لو، تم سب چور ہو اور غدار ہو۔انہوں نے کہا کہ یہ دونوں جماعتیں گلگت بلتستان کو ڈس چکی ہیں۔ جی بی کو صوبہ بنانے اور آئینی حقوق دینے کیلئے تیار ہیں۔ عمران خان نے اقوام متحدہ میں مسئلہ کشمیر پر بات کی۔ انشااللہ کشمیر کا مسئلہ وزیراعظم عمران خان حل کریں گے۔ جلسے سے خطاب کرتے ہوئے وزیراعظم کے معاون خصوصی ذوالفقار بخاری نے کہا کہ عوام کی حمایت سے پی ٹی آئی الیکشن میں کامیاب ہوگی۔ ماضی کی حکومتوں نے گلگت بلتستان کی ترقی پر توجہ نہ دی۔ سیاحت کے فروغ سے روزگار کے مواقع بڑھیں گے۔ گلگت بلتستان میں سیاحت کو فروغ دے کر معاشی سرگرمیوں کو ترقی دیں گے۔زلفی بخاری نے کہا کہ سندھ میں سب سے زیادہ غربت ہے۔ بلاول بھٹو کو چاہیے تھا کم از کم اپنے لوگوں کا تو خیال رکھتے۔ لوگ انٹرنیٹ پر چیک کرلیں کہ لاڑکانہ کے کیا حالات ہیں۔

انہوں نے کہا کہ بیرون ملک نوکریوں میں آپ کا خاص خیال رکھیں گے۔ نوجوانوں کو فنی تربیت دی جائے گی۔ حکومت وعدہ کرتی ہے کہ آپ لوگوں کو باہر لے کر جائیں گے۔ گلگت بلتستان کے لوگوں نے قربانیاں دی ہیں۔زلفی بخاری نے کہا کہ نوازشریف آج کل میرے اوورسیز پاکستانی بنے ہوئے ہیں۔ بھارت نے پاکستان پر اٹیک کیا،یہ خاموش رہے۔ نوازشریف نے اداروں پر حملہ کیا اور بیٹی یہاں آکر تقریر کرتی ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…