لاہور( این این آئی ) پیپلزپارٹی سنٹرل پنجاب کے صدر قمر زمان کائرہ نے کہا ہے کہ مہنگائی پر وفاقی کابینہ نے شکست قبول کر کے ہاتھ کھڑے کردئیے،حکمرانوں نے اپنی نا اہلی اور نالائقی کا ساراملبہ بیوروکریسی پر ڈال دیا۔اپنے بیان انہوں نے

کہا کہ پنجاب میں ذخیرہ اندوزوں اور منافع خوروں کی حکومت سے ساز باز ہے، ذخیرہ اندوزوں کے ہاتھوں غریب عوام کو لٹنے کیلئے تنہا چھوڑ دیا گیا ہے،حکمرانوں کو گھر بھیجے بغیر لوگوں کو ریلیف نہیں مل سکتا۔انہوںنے کہا کہ وقت آگیا ہے عام لوگ اٹھ کھڑے ہوں اور پی ڈی ایم تحریک کا حصہ بنیں کیونکہ حکمرانوں کو گھر بھیجے بغیر لوگوں کو ریلیف نہیں مل سکتا۔وقت آگیا ہے عام لوگ اٹھ کھڑے ہوں اور پی ڈی ایم تحریک کا حصہ بنیں۔انہوں نے کہا کہ حکمرانوں کو گھر بھیجنے کا عمل گلگت بلتستان سے شروع ہو رہا ہے ، چیئرمین بلاول بھٹو زرداری نے شمالی علاقوں میں عوامی سیاست کی ایک نئی لہر پیدا کر دی ہے،گلگت بلتستان کے عوامی حکمران گٹھ جوڑ کو بڑی سکسے دینے کیلئے تیار ہیں۔