شہباز شریف کی گرفتاری سے حکومت گلگت بلتستان میں کیا حاصل کرنا چاہتی ہے؟ لیگی رہنما کا حیرت انگیز دعویٰ

  ہفتہ‬‮ 26 ستمبر‬‮ 2020  |  0:16

شیخوپورہ(آن لائن)چیئرمین پبلک اکاؤنٹس کمیٹی ا ور پاکستان مسلم لیگ (ن) کے مرکزی سینئر رہنما ، ایم این اے رانا تنویر حسین نے کہا ہے کہ حکومتی سازشیں سمجھ رہے ہیں شہباز شریف کی گرفتاری کیلئے پر تولتی حکومت گلگت بلتستان کا یکطرفہ انتخاب چاہتی ہے بلدیاتی انتخابات میں حکومت کا جھرلو چلے گا نہ نواز لیگ کی قیادت کی گرفتاری سے اسے جیت حاصل ہوگی، شہباز شریف کیگرفتاری کی حکومت کوشش اسے مہنگی پڑے گی، حمزہ شہباز کو علالت کے باوجود علاج معالجہ کی موثر سہولیات فراہم نہ کرنا، مریم نواز کے قافلے پر دھاوا بولا جانا، اپوزیشن رہنماؤں


کے خلاف بیان بازی اور میڈیا ٹرائل سمیت ہر حکومتی حربہ اپوزیشن بالخصوص نواز لیگ کو دبانے کی ناکام کوشش ہے جس کارد عمل ضرور آئے گا، اپوزیشن متحد دیکھ کر حکمران بوکھلاہٹ کا شکار ہیں، ان خیالات کا اظہار انہوں نے صحافیوں سے گفتگو کرتے ہوئے کیا، اس موقع پر ارکان صوبائی اسمبلی چوہدری محمود الحق شاہین، پیر سید اشرف رسول، میاں عبدالرؤف، سابق چیئرمین ضلع کونسل رانا احمد عتیق انور، لیگی رہنما رانا خلیل احمد گادی، ملک ظہیر احمد، ملک نوید محمود چوہان، حاجی طارق محمود ڈوگر، محمود اختر گورائیہ اور دیگر لیگی رہنما موجود تھے، رانا تنویر حسین ایم این اے نے کہا کہ ادویات کی قیمتوں میں پانچ سو فیصد اضافہ اوربجلی کے نرخ مزید بڑھانے سمیت مہنگائی کا سونامی عوام کو بہا لے گیا ہے دو وقت کی روٹی کا حصول عام شہری کیلئے ممکن نہیں رہا اور حکمران اندرونی مسائل پر توجہ دینے کی بجائے بین الاقوامی مسائل کے حل کے دعوؤں سے جگ ہنسائی کروارہے ہیں ایران، سعودی عرب اور ترکی و دیگر اسلامی ممالک سے پاکستان کے تعلقات تاریخی ہیں جن میں نواز لیگ نے اپنے دور میں اعتدال پیدا کیاجسے اپنی نااہلی اور کم سمجھی سے موجودہحکمران اس نہج پر لے آئے ہیں کہ کوئی مسلم ریاست پاکستان کے موقف پر اعتماد کرنے کو تیار نہیں اسلامی ممالک کا ایٹمی قوت پاکستان کی بجائے تیزی سے مغربی ممالک کی طرف راغب ہونا ہماری خارجہ پالیسی کی ناکامی کا ثبو ت ہے، انہوں نے کہا کہ پی ٹی آئی نے سیاسی کلچر تباہ کیا، بدکلامی کو فروغ دینے سمیت سیاسی قائدین کی کردار کشی کی بدترین مثالیں رقم کیں اوراب میڈیا کی آواز دبانے کی خاطر 100سے زائد صحافیوں پر ملک سے غداری کی دفعات کے تحت مقدمات درج کرنے کی باتیں سامنے آرہی ہیں حکمرانوں کو تنقید برداشت نہیں نہ ملکی خدمت کرنا آتی ہے نہ نااہل حکمرانوں کو اپنی اصلاح کی فکر ہے انہیں خوشامد پسندی کی لت لگ چکی ہے، انہوں نے کہا کہ جو سیاستدان حکومتی صفوں میں شاملہیں مگر اپنی کارکردگی کی بجائے فال نکالنے والے طوطے کا کردار ادا کرنے سمیت عسکری قیادت کے خود کار ترجمان بن کر بیان بازی کررہے ہیں انہیں بھی اب اپنی فکر کرنی چاہئے عوام ان سے کارکردگی کا حساب لیں گے حکمرانوں کے اقتدار کا سورج غروب ہونے کو ہے عمران خان سمیت تمام حواری منطقی انجام کو پہنچنے والے ہیں۔


موضوعات:

زیرو پوائنٹ

ڈائیلاگ اور صرف ڈائیلاگ

سینٹ ہونو رینا  فرانس کے علاقے نارمنڈی سے تعلق رکھتی تھیں‘ یہ کیتھولک نن تھیں‘ کنواری تھیں‘ نارمنڈی میںکیتھولک کا قتل عام شروع ہوا تو سینٹ ہونورینا کو بھی مار کر نعش دریائے سین میں پھینک دی گئی‘ یہ نعش بہتی بہتی کون فلوینس  پہنچ گئی‘ کون فلوینس پیرس سے 24 کلومیٹر کے فاصلے پر چھوٹا سا گاﺅں ....مزید پڑھئے‎

سینٹ ہونو رینا  فرانس کے علاقے نارمنڈی سے تعلق رکھتی تھیں‘ یہ کیتھولک نن تھیں‘ کنواری تھیں‘ نارمنڈی میںکیتھولک کا قتل عام شروع ہوا تو سینٹ ہونورینا کو بھی مار کر نعش دریائے سین میں پھینک دی گئی‘ یہ نعش بہتی بہتی کون فلوینس  پہنچ گئی‘ کون فلوینس پیرس سے 24 کلومیٹر کے فاصلے پر چھوٹا سا گاﺅں ....مزید پڑھئے‎