سلام آباد( آن لائن) اسلام آباد ہائی کورٹ نے کورونا کی وجہ سے بند تعلیمی ادارے کھولنے کی درخواست مسترد کر دی۔ جمعہ کے روز  چیف جسٹس اسلام آباد ہائی کورٹ جسٹس اطہرمن اللہ نے کیس کی سماعت کی۔سماعت کے آغاز کے دوران وکیل درخواست گزار نے کہاکہ میں نے

پہلے بھی پٹیشن دائر کی عدالت نے متعلقہ ادارے سے رجوع کی ہدایت کی، میں نے متعلقہ اداروں میں درخواست دی لیکن کچھ نہیں ہوا، حکومت تعلیمی ادارے کھولنے کے حوالے سے سنجیدگی نہیں دیکھا رہی ہے۔جس پر چیف جسٹس اطہرمن اللہ نے کہاکہ یہ عدالت مفروضے کی بنیاد پر تو کوئی حکم جاری نہیں کر سکتی،یہ ہو ہی نہیں سکتا کہ مفاد عامہ کا اتنا اہم معاملہ ایگزیکٹو کے مدنظر نہ ہو۔چیف جسٹس اطہرمن اللہ نے کہاکہ ایگزیکٹو کا کام ہے اس کی ذمہ داری ہے انہیں اپنا کام کرنے دیں، پالیسی کا معاملہ ہے اور عدالت ایسے معاملات میں مداخلت نہیں کرتی۔عدالت نے درخواست گزار وکیل کے دلائل کے بعد درخواست مسترد کردی۔

موضوعات:اسلام آباد ہائی کورٹ