اسلام آباد(مانیٹرنگ ڈیسک)کراچی میں گزشتہ ہفتے گلشن اقبال کی حدود میں ایک خاتون کو قتل کر دیا گیا جب کہ اس کی بیٹی لاپتہ ہو گئی تھی۔خاتون کے قتل اور بیٹی کے لا پتہ ہونے کا مقدمہ درج کر لیا گیا تھا۔ابتدائی تفتیش میں بتایا گیا کہ گلشن اقبال میں نا معلوم افراد نے 47 سالہ بسم اللہ انعام کو قتل کر دیا جبکہ اس کی 20 سالہ بیٹی فجر انعام لا پتہ ہے۔

پولیس نے مقتولہ کے شوہر انعام الحق کی مدعیت میں مقدمہ درج کیا ۔تاہم اب اس معاملے میں اہم پیش رفت سامنے آئی ہے بتایا گیا ہے کہ خاتون کو قتل کرنے والی اس کی اپنی بیٹی نکلی ہے۔20 سالہ فجر نے اپنے دوستوں کے ہمراہ والدہ کو قتل کیا۔والدہ کو قتل کرنے کے بعد دوست کے ساتھ فرار ہوئی،جس کی سی سی ٹی وی فوٹیج بھی سامنے آ گئی جس میں لڑکی کو اپنے دوست کے ساتھ موٹر سائیکل پر فرار ہوتے دیکھا جا سکتا تھا۔دونوں قتل کی واردات کے بعد فرار ہوئے۔لڑکا اتنی گھبراہٹ کا شکار تھا کہ موٹرسائیکل بھی ٹھیک سے نہیں چلا پا رہا تھا،دونوں موٹر سائیکل سے گر گئے۔۔سی سی ٹی فوٹیج میں دیکھا جا سکتا ہے کہ ملزم عابد علی اپنے دوستوں کے ہمراہ گھر میں داخل ہوتا ہے۔ملزمان ایک گھنٹے سے زائد تک گھر میں موجود رہے۔پولیس ذرائع کا کہنا ہے کہ خاتون کے قتل میں بیٹی،اس کا دوست اور دیگر ساتھی ملوث ہیں۔پولیس نے 20 سالہ فجر اور علی عابد کو حراست میں لے کر مزید تحقیقات شروع کر دیں

موضوعات:قتل