اسلام آباد (این این آئی)پاکستان انٹرنیشنل ائیر لائنز (پی آئی اے) کی پیرس کیلئے متبادل ذرائع سے پروازیں بحال کر دی گئیں ۔ترجمان پی آئی اے کے مطابق ائیر لائن نے یورپی ائیر سیفٹی کی جانب سے پابندی کے باعث پیرس کیلئے متبادل آپریشن بحال کر دیا ہے، یوم آزادی کی تقریبات کی مناسبت سے پروازوں کی بحالی برطانیہ اور یورپ سے شروع ہوئی۔پی آئی اے کی پہلی پرواز  پیرس سے اسلام آباد کیلئے 260 مسافروں کو

لے کر روانہ ہوئی ،پرواز میں 18 مسافروں نے ایگزیکٹو اکانومی اور  242 مسافروں نے اکانومی کلاس میں سفر کیا۔پیرس ائیر پورٹ پر پی آئی اے کے کنٹری مینیجر اور اسٹیشن مینیجر نے مسافروں کو رخصت کیا۔اس ضمن میں وفاقی وزیر برائے ہوا بازی غلام سرور خان کا کہنا ہے یورپ کے لیے پی آئی اے کے فضائی آپریشن کی بحالی کے اقدامات کر رہے ہیں، بین الاقوامی سیفٹی ایجنسی کے تحفظات دور کر دیے جائیں گے۔