سارے پاکستانی جب باہر جائیں فیس ماسک ضرور پہنیں، کہیں بے احتیاطی سے کورونا کیسز نہ بڑھ جائیں، وزیراعظم عمران خان نے ہدایات جاری کردیں 

  اتوار‬‮ 9 اگست‬‮ 2020  |  23:12

اسلام آباد (این این آئی)وزیراعظم عمران خان نے کہا ہے کہ محرم آنے والا ہے، کورونا کے باعث احتیاط بہت ضروری ہے، سارے پاکستانی جب باہر جائیں فیس ماسک ضرور پہنیں،کہیں بے احتیاطی سے کورونا کیسز نہ بڑھ جائیں،عوام ایس او پیز پر مکمل عمل کریں ، 35لاکھ پودے ایک دن میں لگائے گئے ہیں، یہ شروعات ہے ، ماحول کو بچانے کیلئے اقدامات نہ کئے تو ملک ریگستان بن جائے گا۔ٹائیگر فورس ڈے کے موقع پر شجرکاری مہم کی تقریب سے خطاب کرتے ہوئے وزیراعظم نے کہاکہ ہم کورونا میں پورے ملک کوبند کرنے کے بجائے اسمارٹ لاک ڈاؤن


کی طرف گئے، کورونا کیسز کم ہوگئے ہیں لیکن محرم میں بھی احتیاط کی بہت ضروری ہے۔ انہوں نے کہا کہ سب کو کہناچاہتا ہوں کہ احتیاط کی بہت ضرورت ہے، کہیں بے احتیاطی سے کورونا کیسز نہ بڑھ جائیں، سارے پاکستانی جب باہر جائیں فیس ماسک ضرورپہن کر جائیں۔انہوںنے کہاکہ کورونا وائرس کے پھیلاؤ کو روکنے کے لیے محرم الحرام کے دوران ضابطہ کار (ایس او پیز) پر عمل کریں، ایران میں بھی علماء اعلان کر رہے ہیں کہ ویسے محرم نہیں منانا جیسے پہلے مناتے تھے۔انہوں نے کہاکہ کورونا کے کیسز بہت کم ہوگئے ہیں اور یہ خدا کی رحمت ہے کہ ہمارا ملک کوروناسے مؤثر انداز میں نمٹنے والے ممالک میں شامل ہے لیکن بے احتیاطی کرکے اللہ کی ناشکری نہ کریں۔شجرکاری کے حوالے وزیراعظم نے کہاکہ 35لاکھ پودے ایک دن میں لگائے گئے ہیں، 35 لاکھ درخت لگانا شروعات ہے، درخت اگانا صدقہ جاریہ ہے۔ وزیراعظم عمران خان نے کہاکہ پاکستان موسمیاتی تبدیلیوں سے متاثر ہونے والے ممالک میں ہے، ہم نے اپنے ملک کوصاف کرنا ہے، دریاؤں کا بھی براحال ہے، لاہور میں اتنی آلودگی ہے کہ سردیوں میں سانس نہیں لیاجاتا۔انہوںنے کہاکہ پاکستان دنیامیں موسمیاتی تبدیلی سے پیداہونیوالے ممالک میں سرفہرست ہے۔ جنگلات اوردرخت کاٹنے کی وجہ سے درجہ حرارت میں اضافہ اور ملک شدید متاثر ہوا۔انہوںنے کہاکہ ہم پودے لگاکرماحولیاتی تبدیلی کوروک سکتے ہیں،درخت لگاناآئندہ نسلوں کیلئے جہادکادرجہ رکھتاہے۔ ٹائیگرفورس کے جوانوں نیایک دن میں35لاکھ درخت لگائے ان کومبارکباددیتا ہوں۔شجرکاری مہم میں حصہ لینیوالوں کوخراج تحسین پیش کرتاہوں۔


موضوعات:

زیرو پوائنٹ

ہم قدم ارطغرل کے مزار پر

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎