دریاخان (این این آئی) 2014 میں لانگ مارچ کے دوران گرفتار پاکستان عوامی تحریک کے 55 کارکنان ضمانتوں پر رہا ہوگئے۔ پارٹی کارکنان کے ڈھول کی تھاپ پر بھنگڑے۔پاکستان عوامی تحریک کے لانگ مارچ کے دوران گرفتار 55اسیروں کی لاہور ہائیکورٹ سے ضمانت منظور ہونے پرڈسڑکٹ جیل بھکر سے رہا ہوگئے اس موقع پرپاکستان عوامی تحریک کے سیکرٹری جنرل خرم نواز گنڈاپور نے ڈسٹرکٹ جیل بھکر

کے باہر ایک پرہجوام قافلے کے ہمراہ ان کا استقبال کیا اس موقع پر میڈیا سے گفتگوکرتے ہوئے ان کا کہنا تھا اللہ کا شکر ہے کہ بے گناہ کارکنوں کی ضمانت منظور ہوئی۔ ان کے بے گناہ ہونے کا فیصلہ سنائے جانے کے منتظر ہیں۔کارکنان اور اہلخانہ نے اسیروں کی رہائی کے بعد ڈسٹرکٹ جیل کے باہر ڈھول کی تھاپ پر بھنگڑے بھی ڈالے اور رقص کیا جبکہ پولیس کی بھاری نفری بھی کسی ناخوشگوار واقعے سے نمٹنے کیلئے موجود رہی-