اسلام آباد(آن لائن )وزیر اعظم کے معاون خصوصی برائے احتساب  شہزاد اکبر نے کہا ہے کہ  ارشد ملک کی تعیناتی شاہد عباسی نے کی تھی،العزیزیہ کیس اس جج کی عدالت میں ملزمان یعنی نواز شریف کی درخواست پر منتقل ہوا تھا،عدلیہ کے ساتھ ایسی حرکتیں شریف خاندان ماضی میں بھی کر چکا ہے۔سماجی رابطوں کی ویب سائٹ ٹوئٹر پر اپنے ٹوئٹ میں  شہزاد اکبر نے   کہا   کہ  جج ارشد ملک کیس میں یہ بھی یاد رکھنا چاہیے کہ العزیزیہ کیس اس جج کی عدالت میں ملزمان یعنی نواز شریف کی درخواست پر

منتقل ہوا تھا اور اسی کیس میں ملوث ناصر بٹ نامی شخص ارشد ملک کا پرانا شناسا تھا۔عدلیہ کے ساتھ ایسی حرکتیں شریف خاندان ماضی میں بھی کر چکا ہے۔ جسٹس قیوم  واقعہ  یاد رہے۔جج ارشد ملک بلیک میل کیس کے دو کردار میں سے ایک ارشد ملک خود برطرف ہو گئے  اس کھیل کا دوسرا کردار مریم صفدر جس نے جج کی نازیبا وڈیو استعمال کرکے اپیل پہ اثر انداز ہونے کی کوشش کی ابھی سزا ہونا باقی ہے۔ویسے یاد رہے ارشد ملک کی تعیناتی شاہد عباسی نے کی تھی۔

موضوعات:شہزاد اکبر