لاہور( این این آئی )صوبائی وزیر اطلاعات فیاض الحسن چوہان نے کہا ہے کہ اقتدار سے علیحدگی کے باوجود آل پاکستان لوٹ مار ایسوسی ایشن شاید ابھی تک کسی مغالطے کا شکار ہے،نارووال کے ارسطو اپنی کم فہمی میں رل غزل کو غلط رنگ دے گئے۔اپنے بیان میں انہوں نے کہا کہ احسن اقبال کو کہنا یہ چاہیے تھا کہ پاکستان کو دیمک کی طرح چاٹنے والا شریف خاندان، عوام پر اعدادوشمار کا جادو چلا کر بیرونِ ملک جائیدادیں بنانے والا اسحاق ڈار، نوعمری میں ارب پتی بن جانے
والے کرپٹ شریف خاندان کے سپوت، آنکھوں پر اندھی عقیدت کی پٹی چڑھائے آلِ شریف کے حواری اور اعلی تعلیمی اسناد کے باوجود آلِ شریف کی منشی گیری کرنے والے کاہنہ کاچھاکے ارسطو رل۔انہوںنے کہا کہ عشروں تک پاکستان کی جڑیں کھوکھلی کرنے کے باوجود اپنی کرپشن کا ڈھٹائی سے دفاع کرنے والوں کی دیدہ دلیری پر حیرت ہے۔ انہوں نے امید کا اظہار کرتے ہوئے کہا کہ وزیر اعظم عمران خان کی قیادت میں پاکستان مشکل حالات سے جلد نکل آئے گا۔
