لاہور (آن لائن) سربراہ پاکستان سنی تحریک محمد ثروت اعجاز قادری نے کہا ہے کہ پیٹرول کی قیمتوں اضافہ سے مہنگائی ہوگی غریب کو مزید پریشانی اٹھانا پڑے گی ،پیٹرول کی قیمتوں میں اضافہ استحصالی قوتوں کے سامنے بے بسی کے مترادف عمل ہے ،حکومت نے پیٹرول قیمتوں میں اضافہ کرتے وقت ایک لمحے کیلئے بھی غریبوں کیلئے نہیں سوچا ،مئی میںپیٹرول کی قیمت کم ہونے پر پیٹرول نایاب کردیا گیا

سرمایہ داروں نے کھربوں روپے کمالئے ،حکومت پیٹرول کی فراہمی کے دعوئے ہی کرتی رہی لگتا ہے حکومت کی رٹ کمزور ہوگئی ہے ،کرپشن کے نت نئے طریقے ڈیزائن کرلئے گئے ہیں غریب غربت کی چکی میں پس رہا ہے،ان خیالات کا اظہار انہوں نے پیٹرول کی قیمتوں میں اضافے پر گہری تشویش کا اظہار کرتے ہوئے کیا ،ثروت اعجاز قادری کا کہنا تھا کہ پیٹرول کی مد میں 47روپے لیٹر ٹیکس وصول کیا جارہا ہے ایسا دنیا کے کسی ملک میں نہیں ہے،پیٹرول کی موجودہ قیمت 85روپے لیٹر ہونی چاہیے تھی آئی ایم ایف کے اشاروں پر اضافہ کیا گیا،ایک لیٹر پیٹرول پر 47روپے کے ٹیکسز سمجھ سے بالاتر ہے ،حکومت کا کام تو غریب کو ریلیف دینا ہوتا ہے حکومتی پالیسی اس کے بر عکس ہیں ،انہوں کا کہنا تھا کہ حکومت عوام سے کئے گئے وعدے پورے کرئے مہنگائی ختم اور غریبوںکو نوکریاں فراہم کی جائے ،موجودہ حالات میں کورونا لاک ڈائون سے غریب کیلئے دو وقت کا کھانہ بھی مشکل بنادیا ہے ،کے الیکٹرک کی غیر اعلانیہ لوڈ شیڈنگ اور ایوریز بل بھیج غریبوں کو پریشان کردیا ہے ،حکومت دعوئوں سے کام چلانے کی بجائے عملی طور پر عوام کے مسائل حل کرے۔ پیٹرول کی قیمتوں میں اضافہ استحصالی قوتوں کے سامنے بے بسی کے مترادف عمل ہے ،حکومت نے پیٹرول قیمتوں میں اضافہ کرتے وقت ایک لمحے کیلئے بھی غریبوں کیلئے نہیں سوچا ،مئی میںپیٹرول کی قیمت کم ہونے پر پیٹرول نایاب کردیا گیا